काठमाडौं – प्रधानमन्त्री पुष्पकमल दाहाल आगामी बुधबार भारतको चार दिने भ्रमणमा जाने तयरीमा छन् । गत पुसमा प्रधानमन्त्री नियुक्त भएपछि दाहाल पहिलो पटक विदेश भ्रमणमा निस्कन लागेका हुन् ।
गत फागुनदेखिनै प्रधानमन्त्रीको भारत भ्रमणको चर्चा चलेपनी पाँच महिनापछि बल्ल सार्थक हुन लागेको छ ।
यसैवीच सरकारमा रहेको जनमत पार्टीका अध्यक्ष सीके राउत हिजो एकाएक नयाँ दिल्ली पुगेका छन् । शनिबार बिहान नेपाल वायुसेवा निगमको उडानबाट गएका राउतले दिउँसोदेखि भेटघाट थालेका छन् ।
उनले सत्तारुढ दल भारतीय जनता पार्टीको विदेश विभाग प्रमुख डा. विजय चौथाईवालेसँग भेट गरेका छन् । ओशोको माला पहिरिएका राउतले होटलको लबीमा भेटघाटपछि चौथाईवालेलाई पशुपतिनाथको मन्दिर उपहार दिएका थिए ।