(पर्सा) – हुण्डी कारोबार संलग्न तीन जना पर्साबाट पक्राउ परेका छन् । हुन्डी कारोबारमा संलग्न रहेको अभियोगमा वीरगञ्ज महानगरपालिका १६ रजतजयन्ती चोकबाट श्रोत नखुलेको १८ लाख रुपैयाँ सहित उनीहरुलाई शुक्रबार बिहान प्रहरीले पक्राउ गरेको हो ।
क्राउ पर्नेहरुमा भारत बिहार सुगौली बजार बस्ने २२ वर्षीय बिक्की कुमार, भारत रक्सौल नागा रोड बस्ने २६ वर्षीय सुधिर कुमार र सोही ठाउँ बस्ने ३० वर्षीय सहिद आलम रहेका छन् ।
जिल्ला प्रहरी कार्यालयबाट खटिएको प्रहरीले सुरक्षा जाँचका क्रममा भारतको रक्सौलबाट वीरगञ्जतर्फ आउँदै गरेका बीआर ०५ एस ३७९२, बीआर ०५ बी १४४४ र बीआर ०६ एआर ३७८९ नम्बरका मोटरसाइकलमा उनीहरुको साथमा उक्त रुपैयाँ फेला पारी ३ वटै मोटरसाइकल सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।