काठमाडौं – सरकारले निश्चित मापदण्ड लागु गरेर आन्तरिक हवाई उडान खोलेको छ। सोमबारको मन्त्रिपरिषद् बैठकले कुल उडान संख्याको ५० प्रतिशत मात्र हुने गरि नियमित आन्तरिक हवाई उडान खोल्ने निर्णय गरेको हो ।
भारत, टर्की, चीन र कतारबाहेक अन्य ७ देशमा पनि उडान संख्या सिमित गरि नियमित अन्तर्राष्ट्रिय हवाई उडान खोलिएको बालुवाटार स्रोतले जनाएको छ ।
स्रोतका अनुसार सातामा दोहासँग ४ वटा, इस्तानबुलसँग दुईवटा, दुबईसँग चार वटा, साउदी अरबको दमामसँग दुई वटा, ओमनको मस्कटमा एउटा, मलेसियाको क्वालालाम्पुरमा चार वटा, कुवेतको कुवेत सिटीसँग दुई वटा, दक्षिण कोरियाको सिओल र जापानको टोकियोसँग एक एक वटा तथा चीनको छेन्दु र ग्वान्जावमा चारवटा नियमित उडान हुने छ ।
नेपालमा बैशाख १८ देखि आन्तरिक र बैशाख २३ गतेबाट अन्तर्राष्ट्रिय हवाई उडानमा रोक लगाइएको थियो।