काठमाडौँ — निर्वाचन आयोगले समानुपातिक सांसदहरूलाई चैत ५ गते निर्वाचित भएको प्रमाणपत्र प्रदान गर्ने भएको छ । आयोगले सोमबार समानुपातिक निर्वाचन प्रणालीबाट सांसद बन्ने ६ दलका ११० जनाको नाम सार्वजनिक गरेको छ ।
आयोगका सचिव कृष्णबहादुर राउतले चैत ५ गते बिहीबार समानुपातिक निर्वाचन प्रणालीबाट सांसद बनेकाहरूलाई प्रमाणपात्र प्रदान गर्ने कार्यक्रम रहेको जानकारी दिएका छन् ।
‘निर्वाचित भएका उम्मेदवारहरूलाई मिति २०८२ चैत ५ को बिहान ११:३० बजे आयोग परिसरबाट प्रमाणपत्र वितरण गरिने कार्यक्रम रहेकोले सबै ६ राजनीतिक दलहरूबाट निर्वाचित हुनुभएका प्रतिनिधिसभा सदस्यज्यूहरूको सक्कल नागरिकताको प्रमाणपत्र/राष्ट्रिय परिचयपत्र र २ प्रति पासपोर्ट साइजको फोटो मिति २०८२ चैत ३ गते कार्यालयसमयभित्र आयोगको सचिवालयमा रहेको समानुपातिक निर्वाचन अधिकृतको कार्यालयमा उपलब्ध गराइदिनुहुन अनुरोध गर्दछु,’ सचिव राउतले जारी गरेको विज्ञप्तिमा उल्लेख छ ।
११० सदस्यीय समानुपातिक सांसदमा रास्वपाले ५७, कांग्रेसले २०, एमालेले १६, नेकपाले ९, श्रम संस्कृति पार्टीले ४ र राप्रपाले ४ सिट जितेको छ ।