काठमाडौं – संघीय संसद्को सार्वजनिक लेखा समितिको बैठक बुधबार (आज) बैठक बस्ने भएको छ । दूरसञ्चार सेवाप्रदायक कम्पनी एनसेलको सेयर खरिद–बिक्रीबारे छलफल गर्न बैठक बस्न लागेको हो ।
बुधबार दिउँसो २ बजे बस्ने बैठकमा एनसेलको सेयर खरिद–बिक्री सम्बन्धमा प्रारम्भिक छलफल हुने समितिका सचिव एकराम गिरीले जानकारी दिए ।
यसअघि समितिले एनसेलको सेयर खरिद–बिक्रीमा कर छलीको आशंका गर्दै नियामक निकायसँग जवाफ माग गरिसकेको छ ।
आइतबार समितिले तीनवटा नियामक निकाय आन्तरिक राजस्व विभाग, नेपाल दूरसञ्चार प्राधिकरण र कम्पनी रजिस्ट्रारको कार्यालयसँग जवाफ मागेको थियो ।