(काठमाडौं) – प्रहरीलाई आर्थिक प्रलोभनमा पार्न खोज्ने दुई जना काठमाडौंबाट पक्राउ परेका छन् । पक्राउ पर्नेमा कागेश्वरी मनहरा नगरपालिका ७ बस्ने दोलखा घर भएका २८ वर्षीय अनुप सुवेदी र कागेश्वरी मनहरा नगरपालिका ७ बस्ने २८ वर्षीय उमेश सुबेदी छन् ।
काठमाडौं महानगरपालिका ३२ सनराईज चोकस्थित डिउटीमा खटिएको प्रहरीलाई नगद १ हजार रुपैयाँ दिई आर्थिक प्रलोभनमा पार्न खोजेपछि उनीहरुलाई प्रहरीले आइतबार नियन्त्रणमा लिएको हो ।
महानगरीय प्रहरी प्रभाग काँडाघारीबाट खटिएको प्रहरीले दुवै जनालाई मादक पदार्थ सेवन गरी बा. ९६ प ९३६६ र बा. ८७ प ३२०४ नम्बरका मोटरसाइकल चलाएको अवस्थामा फेला पारी कारवाही गर्ने खोज्दा उनीहरुले उक्त रकम प्रहरीलाई दिन खोजे पश्चात उक्त रकम सहित प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।