(बागलुङ) – बागलुङकाे निर्वाचन क्षेत्र नं. २ (ख) बाट प्रदेशससभा सदस्यमा उपनिर्वाचनमा वाम गठबन्धनका उम्मेदवार खिम बिक्रम शाही विजयी भएका छन् ।
राष्ट्रिय जनमोर्चा (राजमो) को तर्फबाट उनी उम्मेदवार थिए । शाहीले कांग्रेसका जितबहादुर शेरचनलाई पराजित गरेका हुन् । प्रदेशसभा सदस्यमा निर्वाचित शाहीले ११ हजार २ सय ३५ मत ल्याए । निकटतम प्रतिद्वन्द्वी शेरचनले ९ हजार १ सय ३८ मत ल्याएका थिए ।
गत शनिबार भएको मतदानमा २१ हजार ४ सय जनाले मत खसालेका थिए ।
२०७४ सालको प्रदेशसभा सदस्यको निर्वाचनमा नेकपा-राजमो गठवन्धनबाट राजमोका टेकबहादुर घर्तीले ११ हजार ८८४ मत ल्याएर निर्वाचित भएका थिए । त्यतिबेला पनि कांग्रेसबाट जीतबहादुर शेरचन नै चुनाव लडेका थिए । उनले ८ हजार ६२४ मत ल्याएका थिए ।