साँखुमा बस दुर्घटना हुँदा ३ जनाको मृत्यु

(काठमाडौं) – बस दुर्घटनामा परी काठमाडौंको साँखुमा ३ जनाको मृत्यु भएको छ । ४५ जना भन्दा बढी घाइते भएका छन् । सिन्धुपाल्चोकको मेलम्ची नगरपालिकाबाट काठमाडौं आउँदै गरेको बस दुर्घटना हुँदा ३ जनाको मृत्यु भएको हो ।

सिन्धुपाल्चोकको गोर्खुभञ्ज्याङबाट काठमाडौं आउँदै गरेको बा ५ ख ५०७० नम्बरको बस साँखुको जंगलमा दुर्घटना हुँदा मिठु विक सहित ३ जनाको मृत्यु भएको महानगरीय प्रहरी प्रभाग साँखुले जानकारी दिएको छ । दुघटनाको कारण भने खुल्न सकेको छैन ।