काठमाडौं – नेपाल प्रहरीमा बढुवा भएका ३५ जना अधिकृतहरूलाई दर्ज्यानी चिन्ह प्रदान गरिएको छ ।
नेपाल प्रहरीका आईजीपी दिपक थापाले प्रहरी प्रधान कार्यालयमा बुधबार आयोजित समारोहमा अधिकृतहरूलाई दर्ज्यानी चिन्ह प्रदान गरेका हुन् ।
गृहमन्त्री रमेश लेखकले ११ जनालाई एसएसपी र गृह सचिव गोकर्णमणी दुवाडीले ११ जनालाई एसपी तथा १३ जनालाई डीएसपीमा बढुवा गर्ने निर्णय गरेका थिए ।
दर्ज्यानी चिन्हद्वारा सुशोभित हुनेहरूमा एसएसपीहरू तुल बहादुर कार्की, राकेश सिंह, राजीव बहादुर बस्नेत, कमल थापा, प्रवीण धिताल, प्रकाश रानाभाट, ज्ञानेन्द्र प्रसाद फुयाँल, दिपक पोखरेल, दयानिधि ज्ञवाली, दिपेन्द्र शाही र केदार खनाल छन् ।
एसपी पदमा बढुवा हुनेमा अनिल कुमार खड्का, महेश थापा, दिपेन्द्र पंजियार थारू, महेन्द्र नेपाल, रूपक खड्का, प्रेम सागर केसी, डिल बहादुर मल्ल, केशव भट्टराई, भुवनेश्वर प्रसाद साह, सुनिल मल्ल र दिपक खड्का छन् ।
त्यस्तै डीएसपी हरु बसन्त गौतम, पञ्चलाल गोले, होम प्रकाश चौधरी, अनिल पण्डित, प्रकाश थापा, दिलिप क्षेत्री, शेखरजंग मल्ल, पोषणराज थपलिया, राजु कार्की, निशेष चापागाईँ, चन्द्र बहादुर खड्का, होम प्रसाद अधिकारी र उपेन्द्र खरेललाई आईजीपीले फुली लगाइदिएका हुन् ।