काठमाडौं – नेपाल साफ यू–१७ महिला च्याम्पियनसिपमा बंगलादेशसँग ३–० ले पराजित भएको छ।
भुटानको चाङ्लिमिथाङ रंगशालामा बंगलादेशलाई जित दिलाउनका लागि थुनुए मार्मा, सौरभी अखण्ड प्रीति र मामोनी चक्माले सामान एक गोल गरे।
जितसँगै तीन खेलमा ६ अंक जोडेको बंगलादेश दोस्रो स्थानमा छ। पराजित नेपाल समान खेलबाट तीन अंकका सात तेस्रो स्थानमा छ।
यसअघि नेपाल भारतसँग ७–० ले पराजित भएको थियो। दोस्रो खेलमा नेपालले भुटानलाई २–१ ले हरायो। यसैगरी भुटानलाई ३–१ ले हराएको बंगलादेशले भारतसँग २–० को पराजय व्यहोरेको थियो।
आज खेलको ४१औँ मिनेटमा मार्माको गोलमार्फत बंगलादेशले अग्रता लियो। तीन मिनेटपछि नै सौरभीले टोलीको अग्रता दोब्बर बनाइन्। इन्जुरी समयमा चक्माले गोल गर्दै बंगलादेशलाई सहज जित दिलाइन्।
आइतबारै सम्पन्न पहिलो खेलमा भारतले भुटानविरुद्ध ८–० को जित निकालेको छ।