काठमाडौं – नेकपा एमालेले विद्यार्थी संगठन अनेरास्ववियुमा ३२ वर्षे उमेर हद लगाउने भएको छ । महासचिव शंकर पोखरेलले केन्द्रीय सचिवालयको आइतवारको बैठकमा सो प्रस्ताव राखेपछी सो नर्णय भएको हो ।
औपचारिक निर्णय नभए पनि नेतृत्वको मनसाय बमोजिम पार्टीको सर्कुलरमा उमेर हदको विषय निर्णयका रुपमा आउने बैठकमा सहभागी एक पदाधिकारीले बताए ।
‘सचिवालय बैठकमा त्यो एजेन्डा थिएन तर बैठकको अन्तिम समयमा उमेर हदको एजेन्डाले प्रवेश पायो र अनेरास्ववियुमा ३२ वर्षे उमेर हद लगाउने निर्णय भयो’, ति नेताको भनाइ । तर उमेर हद लगाउनेबारे सचिव योगेश भट्टराईले अहिले व्यवहारिक नसक्ने भन्दै अर्को पटकबाट लगाउँदा ठिक हुने धारणा राखेका थिए ।
‘बैठक सकिन लागेको थियो महासचिव शंकर कमरेडले अध्यक्षसँग कानेखुसी गर्नुभयो अनि उमेर हदको कुरा निस्कियो’, एमाले श्रोतले भन्यो, ‘त्यसपछि अध्यक्षले ल ल भन्नुभयो ।’
यो निर्णय भयो भने अर्को साताबाट शुरु हुने अनेरास्वविुयुको महाधिवेशनबाट वर्तमान उपाध्यक्षहरु मर्यादा विष्ट, गोविन्द गिरी, धर्म गिरी, नारायण घर्ती, महासचिव नरेश रोकाय, सवि सन्जिव धिताल, कोषाध्यक्ष संगम अर्याललगायत ठूलो पंक्ति संगठनबाट बिदा हुनेछन् ।
त्यसपछि अहिलेका पदाधिकारीमध्ये सचिवहरु डा. सुजन कडरिया, प्रकाश पौडेल, दीपक धामी, अन्जना शिवाकोटी र आरती भट्टराईमात्र योग्य हुनेछन् ।