काठमाडौं – प्रमुख प्रतिपक्ष दल नेपाली कांग्रेसले विरोध गरेपछि बिहीबारको राष्ट्रिय सभा बैठक स्थगित भएको छ।
बैठक सुरु भएपछि सभाको कारबाही प्रस्तुत गर्ने क्रममा नेपाली काँग्रेसका सांसदले उठेर विरोध जनाएपछी शुक्रबार १ बजेर १५ मिनेटमा बस्नेगरी स्थगित भएको हो।
सो क्रममा राष्ट्रिय सभा अध्यक्ष नारायणप्रसाद दाहालले राष्ट्रिय सभाको ७ वर्षको इतिहासमा नयाँ नयाँ पन देखिन थालेको महसुस भएको बताए। उनले राष्ट्रिय सभामा विरोध गर्नेकुराले सबैलाई अप्ठ्यारो भएको र बाहिर नयाँ किसिमको परिचर्चा सुरु भएको बताए।
अध्यक्ष दाहालले नेपाली काँग्रेसलाई सभा सहज रूपमा अघि बढाउनका लागि भूमिका खेल्न पनि आग्रह गरेका थिए।