(बारा) – घूस रकम सहित बाराबाट एक प्रहरी पक्राउ परेका छन् । अख्तियार दुरुपयोग अनुसन्धान कार्यालय हेटौंडाले ६० हजार रुपैयाँ प्रहरी चौकी गञ्जभवानीपुरका प्रमुख सई जटाशंकरप्रसाद कलवार पक्राउ गरेको हो ।
तस्करी खोलिदिने भन्दै कपडा व्यापारीबाट घुस लिँदै गरेको अवस्थामा कलैया उपमहानगरपालिका १ मैदामिल नजिकैबाट उनलाई घूस सहित अख्तियारको टोलीले पक्राउ गरेको हो ।
नाम नखुलेको एक कपडा व्यपारीले घुस रकम दिँदै गरेको अवस्थामा सादा पोशाकमा खटिएको अख्तियारको टोलीले कलवारलाई पक्राउ गरी आवश्यक अनुसन्धान सुरु गरेको अख्तियारले जनाएको छ ।