काठमाडौं – संघीय संसद् अन्तर्गतका १२ वटा संसदीय समिति सभापतिले सपथ लिएका छन ।
शुक्रबार भएको निर्वाचनबाट १० वटा समितिमा सर्वसम्मत सभापति चयन भएको हो भने दुई वटामा समितीमा निर्वाचन भएको थियो ।
शुक्रबार सिंहदरबारस्थित लेखा समिति हलमा सभामुख डोलप्रसाद अर्यालले शपथ ग्रहण गराएका हुन्।
सभामुखले समितिका सभापतिहरूलाई पद तथा गोपनीयताको शपथ गराउँदै संसदीय प्रक्रियालाई अझ प्रभावकारी र उत्तरदायी बनाउनुपर्नेमा जोड दिए।
शपथ ग्रहण कार्यक्रममा सम्बन्धित समितिका सदस्यहरू तथा संसद् सचिवालयका अधिकारीहरूको उपस्थिति रहेको थियो।
संघीय संसदअन्तर्गतको प्रतिनिधि सभाका १० वटा विषयगत समितिहरूको नेतृत्व चयन भएको थियो।