(विराटनगर) – मोरङको बुढीगंगा १ निमुवामा सोमबार भएको सवारी दुर्घटनामा बाबु र छोरीको मृत्यु गएको छ । विराटनगरबाट इटहरी जाँदै गरेको को १ ख ७२३२ नम्बरको बसले विराटनगर को २७ प १०२२ नम्बरको मोटरसाईकललाई ठक्कर दिएको हो ।
दुर्घटनामा परी बुढीगंगा ५ निवासी शुभलाल माझी र उनकी छोरी अन्जलीकुमारी माझीको मृत्यु भएको प्रहरीले जनाएको छ । तीब्र गतिको बसले निमुवा चोकको घुम्तीमा मोटर साइकललाई ठक्कर दिंदा दुर्घटना भएको हो ।
उनीहरु दुवैको स्थानी विराट मेडिकल कलेजमा उपचारका क्रममा मृत्यु भएको प्रहरीले जनाएको छ । प्रहरीले यात्रुवस र चालक सन्दीप खत्रीलाई नियन्त्रणमा लिएको छ ।