काठमाडौं – नेकपा एमाले निकट अनेरास्ववियुका बागमती प्रदेशका नेताहरूले संगठनको अध्यक्ष डा.सुजन कडारियाको नेतृत्वकाे विराेध जनाउँदै नयाँ नेतृत्व चयन गर्न माग गरेका छन्।
“संकटको घडीमा संगठनलाई बलियो बनाउनुपर्ने अध्यक्ष उल्टै भाग्ने, राजीनामाको नाटक गर्ने, सार्वजनिक रूपमा मौन रहँदा व्यक्तिगत रूपमा निराशावादी सन्देश प्रवाह गर्ने” जस्ता व्यवहारले विद्यार्थी आन्दोलन र संगठनप्रति निष्ठावान कार्यकर्ताहरूलाई भ्रमित बनाएको आरोप लगाएका छन् ।
पत्रमा डा. कडारियाको राजीनामा सार्वजनिक भएपछि पनि “विद्यार्थी संगठन सकियो” भन्ने अभिव्यक्तिहरू संगठन र शहीदहरूको अपमान भएको दाबी गरिएको छ।
उनीहरुले तत्काल केन्द्रीय बैठक बोलाई नयाँ नेतृत्व चयन गर्न माग गरेका छन्। अध्यक्षको सामाजिक सञ्जालमार्फत सार्वजनिक राजीनामालाई स्वीकार गर्दै संगठनले नयाँ, जिम्मेवार र स्पष्ट दृष्टिकोण भएको नेतृत्व रोज्नुपर्ने उनीहरूको माग छ।
