काठमाडौं – काभ्रेको रयालेका तीनजना छोरी बाबुको काजक्रियामा बसेका छन्। स्थानीय हरिप्रसाद सापकोटाको हर्टअट्याकका कारण ९१ वर्षको उमेरमा मृत्यु भएको थियो।
आइतबार तीनजना छोरीले बुबालाई दागबत्ती दिएका थिए। क्रियामा बसेका छोरीमध्ये विमला बनेपा नगरपालिकाकी उपप्रमुख, निर्मला शिक्षक र राधिका एमाले धादिङ जिल्ला कमिटीकी सचिव रहेकी छन्।
स्थानीय राजकुमार सापकोटाका अनुसार छोरा नभए पनि आफूहरूलाई कर्म दिने बाबुको निधनपछि दागबत्ती दिने र काजक्रिया गर्ने तीनै छोरीले प्रण गरेका थिए।
नजिकका दाजुभाइहरू ढिकुरो बनाउन नआएपछि उनीहरू क्रियामा बसेका हुन्। यसअघि विभिन्न कार्य गर्ने ब्राह्मणले पनि छोरीहरूबाट काजक्रिया गर्न अस्वीकार गरेपश्चात अन्यत्रबाट ब्राह्मण दीपक सुवेदीलाई ल्याएर काजक्रिया गराएको राजकुमारले दिए।
क्रियामा बसेकी बनेपा उपमेयर सापकोटाले समाजले बाबुको काजक्रियामा अवरोध गरेपछि आफूहरूको कदमले हजारौं छोरीहरूमाथि न्याय हुने बताएकी छन्।