(काठमाडौं) – काठमाडौं । सरकारले कात्तिक १३ गते पनि सार्वजनिक बिदा दिएको छ । तिथिअनुसार नेवार समुदायको भाइटीका कात्तिक १३ गते पर्ने भएकाले सरकारले सार्वजनिक बिदा दिएको गृह मन्त्रालयले जनाएको छ ।
काठमाडौं उपत्यकाका नेवार समुदायले आफूहरुको भाइटीका पर्नेभन्दै कात्तिक १३ गते बिदा माग गरेको थियो ।
सोही अनुसार मन्त्रिपरिषद बैठकले बिदाको निर्णय गरेको हो । पाञ्चांग निर्णायक समितिका अनुसार भने तिहारको भाइटीका कात्तिक १२ गते तोकिएको छ ।