काठमाडौं – लामो समयदेखि विभिन्न आपराधिक गतिविधिमा संलग्न रहँदै आएका गुण्डा नाइके भनेर परिचित गोपाल मोक्तान उर्फ रेस लामा पक्राउ परेका छन् ।
गौशाला प्रहरी वृत्तको सादा पोशाकमा खटिएको प्रहरी टोलीले लामालाई आइतबार साँझ चाबहिलस्थित एवान क्याफेबाट नियन्त्रणमा लिएको हो ।
दोलखा स्थायी घर भएका उनी काठमाडौंमा सक्रिय रूपमा आपराधिक गतिविधि गर्दै आएको प्रहरीको भनाइ छ ।
प्रहरीका अनुसार लामा केही दिनअघि बत्तिस पुतलीस्थित बाजेको सेकुवामा एक व्यक्तिमाथि हातपात र अभद्र व्यवहारमा संलग्न भएको उजुरी दर्ता भएपछि पक्राउ पुर्जी जारी गरिएको थियो ।
लामामाथि थप अनुसन्धान अघि बढाइएको प्रहरीले जनाएको छ ।