काठमाडौं – प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीबीच भेट भएको छ।
चीनको थियानजिनमा आयोजना भएको सांघाई सहयोग संगठन (एससीओ) को शिखर सम्मेलनका क्रममा राष्ट्रपति सी जिनफिङले आयोजना गरेको रात्रिभोजमा ओली र मोदीबीच भेट भएको हो।
भारतीय प्रधानमन्त्री मोदीले प्रधानमन्त्री ओलीलाई भेट्न पाएकोमा खुसी लागेको बताएका छन्। ‘थियानजिनमा नेपालका प्रधानमन्त्री केपी ओलीसँग भेट गर्न पाउँदा म अत्यन्तै खुसी भएको छु। भारत र नेपालका सम्बन्धहरू गहिरो रूपमा जोडिएका छन् र अत्यन्तै विशेष छन्,’ मोदीले सामाजिक सञ्जाल एक्समा लेखेका छन्।
रात्रि भोजमा भेट भए पनि प्रधानमन्त्री ओली र भारतीय प्रधानमन्त्री मोदीको द्विपक्षीय भेटवार्ता अझै निश्चित भइसकेको छैन।
शनिबार चिनियाँ राष्ट्रपति सी जिनफिङलाई भेटेका प्रधानमन्त्री ओलीको रूसका राष्ट्रपति ब्लादिमिर पुटिनसँग भेटवार्ता गर्ने कार्यक्रम तय भएको छ।