नेपाल चिकित्सक संघको अध्यक्षमा डा.बद्री रिजाल निर्वाचित

काठमाडौं । नेपाल चिकित्सक संघको अध्यक्षमा डा। बद्री रिजाल निर्वाचित भएका छन् । संघको ३० औं कार्यकारिणीका लागि भएको निर्वाचनमा डा. अध्यक्ष निर्वाचित भएका हुन् । डा. रिजालले आफ्ना नजिकका प्रतिस्पर्धी डा।मंगल रावल भन्दा २५६ बढी मत प्राप्त गरे । रिजालले ३१९६ मत पाउँदा डा. रावलले २९४० मत पाए । अध्यक्षका अर्को प्रतिस्पर्धी डा. नारायणप्रसाद भुसालले ८६९ मत प्राप्त गरे । त्यसैगरी बरिष्ठ उपाध्यक्षमा डा. सञ्जिव तिवारी विजयी भएका छन् । उनले ३०३६ मत पाए ।

उनका प्रतिस्पर्धी डा।कीर्तिपाल सुवेदीले २३०२ मत ल्याए । डा.अजय कुमार मिश्रले १४२१ प्राप्त गरे । महासचिवमा डा. विश्वराज दवाडी विजयी भएका छन् । उनले २७२२ मत पाए । उनका प्रतिस्पर्धी डा।कालुसिंह खत्रीले २४२३ मत पाउँदा डा.अमृत भुसालले १६४६ मत प्राप्त गरे । उपाध्यक्षमाहरुमा डा. रोशन खड्का (कोशी), डा.अमृत राजन मिश्र (मधेश), डा. सुवास भट्टराई (बागमती), डा. योगेशराज सिग्देल (गण्डकी), डा. नन्दा गुरुङ (लुम्बिनी), डा रविन खड्का (कर्णाली) र डा . प्रमोद जोशी (सुदूर–पश्चिम)  विजयी भएका छन् ।

सचिवमा डा हुलास अग्रवाल विजयी भएका छन् भने कोषध्यक्षमा डा तेजुसिंह मल्ल विजयी भए । सदस्यहरूमा डा अमित झा, डा राकेश साह, डा पल्पसा श्रेष्ठ, डा विना श्रेष्ठ, डा सुमित काफ्ले र डा शेषराज घिमिरे विजयी भएका छन् । चिकित्सक संघको नयाँ नेतृत्वका लागि काठमाडौं उपत्यकाबाहिर वैशाख ४ र ५ गते अनि काठमाडौं उपत्यकामा वैशाख १७ र १८ गते निर्वाचन भएको थियो । सबै गरी ७१०० मत खसेको थियो । यस पटक मुख्यतथा ३ प्यालन टिम बनाएर चुनावी मैदानमा उत्रिएका थिए ।

टिम बन्द्री, टिम मंगल र टिम रिफर्मको नाममा प्यानल बनाएर चुनावमा होमिएका थिए । नेपाल चिकित्सक संघको चुनावमा रिजाल नेतृत्वको प्यानलले बहुमतसहित जित हात पारेको छ । मतपरिणाम अनुसार २ जना उपाध्यक्ष र ३ सदस्यबाहेक अन्य सबै पदमा बद्री प्यानलकै उम्मेदवार विजयी भएका छन् ।

गण्डकी उपाध्यक्ष विजयी डा यज्ञराज सिग्देल र कर्णाली उपाध्यक्षमा विजयी डा रविन खड्का भने मंगल प्यालनका हुन् । त्यसैगरी सदस्यमा टिम मंगलबाट डा अमित झा र डा पल्पसा श्रेष्ठ र टिम रिफर्मबाट डा शेषराज घिमिरेले जित हात पारेका छन् ।

कसको कति मत ?