काठमाडौं– निर्वाचन आयोगले प्रतिनिधिसभामा समानुपातिकतर्फका सांसदको सूची सार्वजनिक गरेको छ। आयोगले बुधबार ११० जना समानुपातिक सांसदको अन्तिम विवरण सार्वजनिक गरेको हो।
४ मंसिरमा भएको निर्वाचनबाट सातवटा पार्टीले राष्ट्रिय पार्टीको मान्यता पाएका छन्। प्रत्यक्षमा कम्तीमा एक सिट जितेर समानुपातिकमा कुल सदर मतको ३ प्रतिशत मत ल्याउने पार्टी राष्ट्रिय पार्टी बन्ने कानुनी व्यवस्था छ।
यसपटकको निर्वाचनबाट प्रतिनिधिसभामा नेकपा एमाले, नेपाली कांग्रेस, नेकपा माओवादी, राष्ट्रिय स्वतन्त्र पार्टी, राप्रपा, जसपा र जनमत पार्टीले राष्ट्रिय पार्टीको मान्यता पाएका छन्।
आयोगले बुधबारनै प्रदेशसभामा निर्वाचित २२० समानुपातिक सांसदको सूची पनि सार्वजनिक गरेको छ।
