काठमाडौं – राष्ट्रियसभामा रिक्त रहेको सदस्यका लागि आगामी माघ ७ देखि ११ गतेभित्र निर्वाचन गर्न निर्वाचन आयोगले सरकारलाई सुझाव दिने भएको छ ।
निर्वाचन आयोगले राष्ट्रियसभाको निर्वाचनबारे छलफल गर्न आयोजना गरेको कार्यक्रममा प्रमुख निर्वाचन आयुक्त दिनेशकुमार थपलियाले उक्त समयमा निर्वाचन गर्नुपर्ने बताएका हुन् ।
यसका लागि आयोगले आजै सरकारलाई परामर्श पेश गर्न लागेको उनले राजनीतिक दलका प्रतिनिधिहरुलाई जानकारी दिए ।
५९ सदस्य संख्या रहेको राष्ट्रियसभाका एक तिहाइ (१९ सदस्य)को पदावधि आगामी फानुन २० गतेबाट सकिँदैछ ।
राष्ट्रियसभाका एक तिहाइ सदस्यको पदावधि प्रत्येक २ वर्षमा समाप्त हुने संवैधानिक व्यवस्था छ ।