काठमाडौं – बाढी पहिरोका कारण क्षति पुगेका सडक पूर्वाधार पुनर्निर्माणका लागि १० अर्ब ६१ करोड लाग्ने भएको छ ।
सडक विभाले बुधबार सार्वजनिक गरेको तथ्यांकअनुसार यस वर्षको बाढी पहिरोका कारण क्षतिग्रस्त सडक तथा पुल पुनर्निमार्णण्मा उक्त रकम लाग्ने भएको हो ।
विभागकाअनुसार बाढी पहिरोका कारण सडकमा ७ अर्ब बराबरको क्षति पुगेको अनुमान गरिएको छ । यसैगरी पुलमा ९१ करोड बराबरको क्षति अनुमान गरिएको छ ।
जसअनुसार ७ अर्ब ९१ करोड बराबरको कुल क्षति भएको र पुनर्निर्माणमा १० अर्ब ६१ करोड रुपैयाँ लागत विभागले प्रक्षेपण गरेको छ ।