(काठमाडौं) – जुवा खेल्दै गरेका २१ जनालाई विभिन्न स्थानबाट प्रहरीले पक्राउ गरेको छ । काठमाडौं, कागेश्वरी मनोहरा नगरपालिका -६ मुलपानी बस्ने ३४ वर्षीय सोनाम लामाको घरमा जुवातास खेलिरहेको अवस्थामा लामा समेत ६ जनालाई प्रहरीले पक्राउ गरेको हो । उनीहरुलाई नगद २ लाख २० हजार ५ सय ९० रुपैयाँ र १६ थान कौडा सहित शुक्रबार राति प्रहरीले पक्राउ गरेको हो ।
कास्की, पोखरा महानगरपालिका- ९ शान्तिबन बस्ने ४१ वर्षीया देवी कुमारी सिजालीको घरमा जुवातास खेलिरहेको अवस्थामा सिजाली समेत १५ जना पक्राउ परेका छन् । उनीहरुलाई नगद ७५ हजार ४ सय १५ रुपैयाँ र ६ बुक तास सहित शुक्रबार राति प्रहरीले पक्राउ गरेको हो । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।